ستاروں سے پوچھئے

اپنی قسمت کا حال
ہم سے نہ پوچھئے
ستاروں سے پوچھئے

امن و امان کی حالت
ہم سے نہ پوچھئے
ستاروں سے پوچھئے


ڈاروں حملوں کا جواز
امریکہ سے نہ پوچھئے
بے سہارا ہونے والے
خاندانوں سے پوچھئے
ستاروں سے پوچھئے

میرے وطن کے لوگ
ہورہے ہیں بےگناہ مدفون
اگر ہم میں کچھ دم خم ہیں
تو امریکا سے پوچھئے

اسلام کے ٨٠ فرقے کیوں
مُلّاؤں سے نہ پوچھئے
ستاروں سے پوچھئے

مسلم کی بے بسی کا ذمّہ دار کون
عالم اسلام کے ٹھیکہ داروں سے نہ پوچھئے
ستاروں سے پوچھئے

اس دیس کو جہنم کس نے بنا دیا
سماج کے ٹھیکہ داروں سے نہ پوچھئے
ستاروں سے پوچھئے

عوام کو غربت میں کس نے دھکیلا
این آر او زدہ جمہوریت سے نہ پوچھئے
ستاروں سے پوچھئے

سڑکوں پر کشت و خون کون کروا رہا ہے
حکومت میں شامل جماعتوں سے نہ پوچھئے
ستاروں سے پوچھئے

یہاں روز کسی نہ کسی بے گناہ کا جناذہ اٹھتا ہے
قانون کے رکھوالوں سے نہ پوچھئے
ستاروں سے پوچھئے

ہر چوراہے پر کچرے کا ڈھیر ہے
متعلقہ محکموں سے نہ پوچھئے
ستاروں سے پوچھئے

نلکوں میں پانی کی جگہ سوں سوں کی صدا ہے
واٹر بورڈ والوں سے نہ پوچھئے
ستاروں سے پوچھئے

پانی چوری اور بجلی چوری برابر جاری ہے
ان چوروں سے نہ پوچھئے
ستاروں سے پوچھئے

چوروں کا بل بھی ہم بھرے اور تفتیش بھی ہم سے ہو
چوروں کے سرپرستوں سے نہ پوچھئے
ستاروں سے پوچھئے

کب پانی بجلی ہمیں ملے گی اور کب یہاں انصاف ہوگا
تحریک انصاف آئے تو اُن سے بھی نہ پوچھئے
ستاروں سے پوچھئے

عدل کا بڑا چرچا ہےعزّت مآب افتخار کا
ہمیں کب ملیں گے انصاف ان سے نہ پوچھئے
ستاروں سے پوچھئے

چھوٹے چھوٹے معاملات میں بھی سوموٹو نوٹس لینا
امن و امان اور مارا ماری کی سنگینی کا ان سے نہ پوچھئے
ستاروں سے پوچھئے

کوئی بھی کل سیدھی نہیں یہاں آجکل مگر انکو کچھ نظر آتا نہیں
پُرکی اگر تمہیں کچھ معلوم ہے بتاؤ ورنہ ان سے بھی نہ پوچھئے
بلکہ ستاروں سے پوچھئے

یہ تمام مسائل انکے نہیں ہم جیسے غریبوں کے ہے
تم ان سے نہ پوچھئےخود سے پوچھئے
یا ستاروں سے پوچھئے

انہیں قارون بننا ہے فاروق تو نہیں بننا
انہیں نمرود بنتا ہے ابراہیم تو نہیں بننا
انہیں فرعون بننا ہے موسٰی تو نہیں بننا
تو ان سے انکا کردار نہ پوچھئے
ستاروں سے پوچھئے