سند مغفرت

 لب پہ آتی ہے دعاجائیں مدینے میں
ہم عاصیوں کوسرکاربلائیں مدینے میں

مل رہی ہیں جوہمیں محبوب کاصدقہ
وہ نعمتیں رب تعالیٰ کی کھائیں مدینے میں

نبی کے غلاموں کی آرزوہے یہ بھی
محفل میلادسرورانبیاء کی سجائیں مدینے میں

دررسول سے ملتی ہے سندمغفرت کی
سنورجاتے ہیں مقدرہم بنائیں مدینے میں

گزرتے رہے میرے آقاجدھرجدھرسے
مہک رہی ہیں اب بھی فضائیں مدینے میں

لطف جب ہے صبح وشام مسجدنبوی میں
رب کی بندگی میں سرجھکائیں مدینے میں

پڑجائے گنبدخضریٰ پہ جب پہلی نظر
ایک دعامیں مانگوسب دعائیں مدینے میں

ثناء خوان رسول ہے ذرہ ذرہ کائنات کا
پڑھتی ہیں جھوم کردرودہوائیں مدینے میں

ہوجاتے ہیں مالامال دہلیزمصطفی پر
ہوتی ہیں سرکارکی ایسی عطائیں مدینے میں

کہابادشاہ نے میراخط پیش کردینا
اﷲ کے محبوب جب تشریف لائیں مدینے میں

صدیق ؔ سب ثناء خوانوں کی طرح میری بھی
تمناہے مدحت رسول کی سنائیں مدینے میں