سورج وانگوں مَچدا دِیوا
Poet: طارق اقبال حاوی By: Tariq Iqbal Haavi, Lahoreسورج وانگوں مَچدا دِیوا
بالی رَکھ تُوں سچ دا دِیوا
حق دی راہ تَوں نہ گبھراویں
نَھیری نوں نہیں پَچدا دِیوا
مِدھیا جاندا پَیراں ہیٹھاں
بُجھیا مشکل بَچدا دِیوا
چانن وَنڈدا چار چفیرے
لَو وِچ تُخ کے نچدا دِیوا
ٹُٹ جاوے تے فیر نہیں جُڑدا
دِل ہوندا اے کچ دا دِیوا
اَزمائشاں دا ڈر نہیں حاوی
وِچ ہَنیرے جچدا دِیوا
Rate it: 
Views: 1869
23 May, 2022
More Punjabi Poetry
