سوچ کے بکرا منڈی ٹر پئے بکرا لے کے آواں گے
Poet: Dr Zuhaib Arshad By: Dr Zuhaib Arshad, Multanسوچ کے بکرا منڈی ٹر پئے بکرا لے کے آواں گے
کھا کھا ککڑ تھک گئے اں ہن عید تے بکرا کھاواں گے
ماڑا لیلا ویکھ کے اوتھے قیمت پچھی لیلے دی
آکھن لگے ایہئ لیلا رونق سارے میلے دی
گل سن کاکا اینا تھوڑا ریٹ اسیں نئیں دسی دا
اونج تے لیلا لکھ دا ساڈا تیری خاطر اسی دا
میں کیا سن کے وے ویرا کیا بات اے تیرے لیلے دی
ہن ایویں لٹ کے لے جاواں میں رونق سارے میلے دی
لکھ وی ایدا تھوڑا اے توں اپنا ریٹ ودھا کے رکھ
میں ویہڑے حصہ پا لاں گا توں ایتھے رونق لا کے رکھ
Rate it: 
Views: 1050
16 Jul, 2021
More Punjabi Poetry
