سوچا ہے اب کے چشم قمر لے کے آؤں گی
Poet: Sadaf Ghori By: Sadaf Ghori, Quettaسوچا ہے اب کے چشم قمر لے کے آؤں گی
میں زندہ ہوں تو ابر و گہر لے کے آؤں گی
امید تو نہیں کہ میسر ہو تیری دید
موجِ ہوا سے تیری خبر لے کے آؤں گی
صحرا دِکھائی دیتا ہے حدِ نگاہ تک
اس کے لئے میں دیدہء تر لے کے آؤں گی
کانٹوں کے درمیاں سے نکالوں گی راستہ
اور واپسی پہ پھولوں کو گھر لے کے آؤں گی
پتھر ہیں تیرے شہر کے لوگوں کے ذہن و دل
پیغامِ درد تیرے نگر لے کے آؤں گی
تو صاحبِ کمال ہے اے کاشفِ حیات
میں تیری آنکھ ، تیری نظر لے کے آؤں گی
منزل پہ جا کے کھولنا یادوں کی پوٹلی
اس کو بطورِ زادِ سفر لے کے آؤں گی
Rate it: 
Views: 259
22 Apr, 2014
More Urdu Ghazals Poetry
زندگی نے میرا اصل حق ادا نہ کیا زندگی نے میرا اصل حق ادا نہ کیا
میرے سوجانے پر تو نے ملال نہ کیا..
میرے سوجانے پر تو نے ملال نہ کیا..
Muhammad Hamza Saeed Bhatti
زندگی جو تھی وہ بھی ہاتھ سے گئی زندگی جو تھی وہ بھی ہاتھ سے گئی
دکھ یہ ہے کہ وہ اصل حقدار سے گئی..
دکھ یہ ہے کہ وہ اصل حقدار سے گئی..
Muhammad Hamza Saeed Bhatti
