سیلفی لیتا ہوں۔۔۔۔

کہیں آٶں یا پھر جاٶں، سیلفی لیتا ہوں
میں جو بھی گُل کھلاٶں، سیلفی لیتا ہوں

حصول ہے جنت کا، ماں باپ کی خدمت
پاٶں ان کے جب دباٶں، سیلفی لیتا ہوں

صفائی میں دانتوں کی، چاہے ہفتے گزار دوں
پیسٹ برش پہ جب لگاٶں، سیلفی لیتا ہوں

بیوی ہو مطمن میری، پکے ثبوت سے
کھانا جو دوستوں میں کھاٶں، سیلفی لیتا ہوں

سلام لوں یا نہ لوں، عزیز و اقارب سے
مگر فنکشن میں جب بھی جاٶں، سیلفی لیتا ہوں

فکر آخرت کے لئے کرتا ہوں، ٹیگ سبھی دوست
جنازہ جب بھی کوئی اُٹھاٶں، سیلفی لیتا ہوں