شان سخاوت

ہر گھڑی کام ہو میرا نبی کی ثناء کرنا
سکھایا خدا نے قرآن میں ان سے وفا کرنا

ایک نام لکھوانا تھا لکھے ہوئے ہیں تین کیوں
رب فرمایا چاہا نہ ہم نے کسی کو جدا کرنا

خالی لوٹا نہیں سائل کبھی درسے ان کے
ہے شانِ سخاوت بھر بھر کے دامن عطاکرنا

بدلہ تو رہا بدلہ بدعانہیں دی کسی کو
کرتے ہیں بھلا سب کا چاہتے ہیں بھلا کرنا

سجائے بیٹھے ہیں دیوانے جہاں بھی میلاد کی محفل
حکم ہے فرشتوں کو نام ان کے لکھا کرنا

سجدے میں سر کٹاکے فرمایا ہے حسین نے
محبت ہے ہم سے پنجگانہ کبھی نہ قضا کرنا

اپنے ہر عمل سے اصحابِ رسول نے کیا ثابت
اتباع ہے نبی کی سب اداؤں کو ادا کرنا

خدا معلوم مقبول ہوجائے کسی کے حق میں
ہر ایک سے کہو صدیقؔ میرے لیے دعا کرنا