عشق مولیٰ میں ہو خونبار کنارِ دامن

عشق مولیٰ میں ہو خونبار کنارِ دامن
یا خدا جلد کہیں آئے بہارِ دامن
بہ چلی آنکھ بھی اشکوں کی طرح دامن پر
کہ نہیں تارِ نظر جز دوسہ تارِ دامن
اشک برساؤں چلے کوچہ جاناں سے نسیم
یا خدا جلد کہیں نکلے بخارِ دامن
دل شدوں کا یہ ہوا دامنِ اطہر پر ہجوم
بےدل آباد ہوا نام و دیارِ دامن
مشک سا زلف شہہ و نور فشاں روئے حضور
اﷲ اﷲ حلبِ جیب و تتارِ دامن
تجھ سے اے گل میں ستم دیدہئ دشتِ حرماں
خلش دل کی کہوں یا غم خارِ دامن
عکس افگن ہے ہلالِ لبِ شہہ حبیب نہیں
مہر عارض کی شعاعیں ہیں نہ تارِ دامن
اشک کہتے ہیں یہ شیدائی کی آنکھیں دھو کر
اے ادب گردِ نظر ہو نہ غبارِ دامن
اے رضاؔ آہ وہ بلبل کہ نظر میں جس کی
جلوہئ حبیب گل آئے نہ بہارِ دامن