عید تے مہنگائی

عیدوں بعد پروہنے آ گئے
متھے تے پسینے چھا گئے
عید گزر گئی جیباں خالی
آؤن والی تنخواہ وی کھا لئی
مہماناں نوں کی کھوائیے؟
کیہڑی شئے کتھوں لے آیئے؟
سو روپے کلو نے آلو
ہٹیاں والے بن گئے بھالو
گوشت پکایئے کتھوں لے آیئے
مہماناں نوں کنج بھگتایئے؟
پروہنے وچارے حبس وچ مردے
ہتھان والے پکھے جھلدے
بجلی ان دا ناں ناں لیندی
جان وچاری لباں تے رہندی
بچے خوش تے بیوی راضی
مرنوں بچیا تے ہویا غازی
مہنگائی کر گئی سوالی
ساڈا یارو اللہ والی