فائدہ کیا ہے ایسی سی سی کا

فائدہ کیا ہے ایسی سی سی کا
ہو دگر ذائقہ جو مرچی کا

شوہریت بھی لے کے کیا کرنا
سگ ہی بہتر ہے اس سے دھوبی کا

پارلر تک بگاڑ کچھ نہ سکے
کیا کیا جائے ایسی بیوی کا

اوراسکول میں تھا کیا رکھا
پیریڈ ایک ہی تھا پی ٹی کا

باپ گھر سے نکالنا تھا کہا
کھانستا ہے مریض ٹی بی کا

اک حسینہ کو پھول دینا ہے
پر یہ موسم نہیں ہے گوبھی کا

جانتا کون تھا، ہے زرداری
فائدہ ہو گیا ہے بی بی کا

آہ بھر کے وہ بول دی بُڑھیا
اب کسے انتظار سیٹی کا

توڑ دوں دانت میں ترے اظہر
شوق کتنا ہے تُجھ کو کھی کھی کا