قانون کو فٹ بال بنایا

قانون کے پاسداروں نے
قانون کو فٹ بال بنایا
پاؤوں میں روندا
ادھر اچھالا، ادھر اچھالا
صاحب حیثیت مجرم ہو تو
این آر او بھی چلتا ہے
وکیل دم دار نہ ہو تو
بے گناہ بھی سولی چڑھتا ہے
کوئی پرسان حال نہیں
اس ملک کا اللہ حافظ ہے
جو حکمران آتا ہے
اپنا ہی قانون چلاتا ہے
پھر وہ وقت بھی آتا ہے
جب اس کو جانا پڑتا ہے
اللہ کے حوالے کر کے
وہ روپوش ہوجاتا ہے
وطن کا حال دیکھنے کو
ودہ قائد اگر ہو جائے
خون کے آنسو روئے
ندیوں نیر بہائے