قدرت کے رنگین نظارے
Poet: UA By: UA, Lahoreقدرت کے رنگین نظارے
کتنے سندر کتنے پیارے
نیل گگن پہ جگمگ کرتے
جھلمل جھلمل چاند ستارے
گلابی شفق پہ سرمئی دھارے
قدرت کے رنگین نظارے
ما شاءاللہ سبحان اللہ
کتنے دلکش واہ رے واہ رے
آسمان پہ اڑتے پنچھی
رنگ برنگے پیارے پیارے
قدرت کے رنگین نظارے
صحرا صحرا جنگل جنگل
پھرتے ہیں جو مارے مارے
دریاؤں میں تیرتے پھرتے
آبی سارے دھارے دھارے
رینگنے والے کیڑے مکوڑے
تیری قدرت کے شاہد سارے
قدرت کے رنگین نظارے
انسان و حیوان و شجر میں
تیری حکمت کے ہیں اشارے
تیری حمد و ثنا کرتے ہیں
سارے مکیں سارے بنجارے
تیری قدرت واہ رے واہ رے
تیری حکمت واہ رے واہ رے
قدرت کے رنگین نظارے
کتنے سندر کتنے پیارے
Rate it: 
Views: 537
07 Apr, 2010
More Religious Poetry
