لتاں توڑ ڈیساں-سرائیکی

میں تیریاں لتاں توڑ ڈیساں جے میکوں پیار کریسیں نہ
میں تیریاںاکھاں پھوڑڈیساں جے اکھاں چار کریسیں نہ

بھاویں ٹر پوسیں تو میرے نال پر ہامی وی تو بھرنی اے
تیکوں راہواں وچ میں رول ڈیساںجے تو اقرار کریسیں نہ

نہ چھلا بنڑامیکوں پایا ھئی نہ ونگ بنڑا چھنڑکایا ھئی
میں تیری گچی مروڑ ڈیساں جے گل دا ہار کریسیں نہ

اے ملاح پار پہنچا میکوں دیدار میں یار دا کرنا ہے
میں تیری کشتی بوڑ ڈیساں جے میکوں پار کریسیں نہ

میں راہواں کوں وی سجایا ہے آ ڈیکھ تو میرے گھر آ کے
تیکوں سر اکھیں تے چا گھنساں جے توں انکار کریسیں نہ