مجھ کو دکھائی دیتی ہے صورت رسول کی

مجھ کو دکھائی دیتی ہے صورت رسول کی
قرآن پڑھ رہا ہوں کہ سیرت رسول کی

گر دیکھنی ہو تم کوجوعظمت رسول کی
معراج کی ہے شب کہ امامت رسول کی

آؤ معاف کر دیں خطا دشمنوں کی بھی
پیش _نظر رہے کہ ہے سنت رسول کی

دنیاں کی ہر شے سے ہے جو بڑھ کر عزیز تر
میری گھٹی میں ہے یہ محبت رسول کی

مولا ترا یہ خاص کرم پھرنصیب ہے
جب بھی لکھوں میں نعت تو مدحت رسول کی

رہبر ہے زندگی کا یہ اسوہ رسول تو
لازم ہوئی ہے سب پہ اطاعت رسول کی

یونس مجاز بخت سنور جائیں گے ترے
ہو گر تجھےنصیب شفاعت رسول کی۔