مرے وطن کے جوانوں

پاکستانی افواج کے جواں ہمت جوانوں کی نذر

ارض پاکستان تیرے سب جیالوں کو سلام
طارق و محمود کی زندہ مثالوں کوسلام

راہ حق میںجان دے دیں خاطر شان وطن
لہلہاتا ہے انہی کے خون سے میرا چمن

کثرت افواج دشمن سے وہ گبھراتے نہیں
کوئ بھی طوفان ہو بڑھتے قدم رکتے نہیں

چاہےجو حالات ہوں تیار ہیں ان کے علم
جوش ایمانی بھی ہے اور دل میں پکا ہے عزم

کم نہیں شوق شہادت،خوف دشمن ہے نہیں
معرکہ کیسا بھی ہو انکے علم جھکتے نہیں

سرفروشی خون میں ہے جذبے ان کے ہیں جواں
انکے دم سے رونقیں ہیں وطن کی ساری رواں