منقبت حضرت وکیل سرکاردامت برکاتہم العالیہ

مِرا مُرشد پیر وکیل سخی جس اُتے نظراں پائوندا اے
اوہدے دل نوں ذاکر کردا اے اوہنوں اللہ نال ملائوندا اے

جس پاسیوں سوہنا لنگھ جاندا دل اللہ اللہ کردے نے
اِک نظر دے نال گناہیاں نوں اللہ دے ولی بنائوندا اے

جے تینوں لوڑ ای مُرشد دی آ پِیر وکیل دے در تے آ
ایہہ بُوٹی ذکر الٰہی دی نظراں تھیں دل وچ لائوندا اے

اَسی کی آں کی کر چھڈیا سانوں مُرشد کرم کما کے تے
اَکھ روندی اے دل ہسدا اے جد ویلا چیتے آئوندا اے

آ چھڈ کے دُنیا داری نوں ایہہ دُنیا خصماں کھانی ایں
تُوں پھڑ لے پلّا ساقی دا عرفان دے جام پلائوندا اے

مِرا مُرشد سب کجھ جان دا اے کی کی دل دی بیماری اے
ایہہ ذکر دی نال دوائی دے سب دل دے کوڑھ مکائوندا اے