مہنگائی نے غریباں دی کَڈ جان لئی

مہنگائی نے غریباں دی کَڈ جان لئی
رہئی بَس ہُن چَٹنی کھان لئی ۔۔۔ چَٹنی کھان لئی
مہنگائی نے غریباں دی کَڈ جان لئی
رہئی بَس ہُن چَٹنی کھان لئی ۔۔۔ چَٹنی کھان لئی

گھر وِچ نِمی نِمی گیس بَلدی
بوٹی بڑی ڈِھیٹ ہو گئی نئیوں گَلدی۔۔۔نئیوں گَلدی
سارا دِن پُکھے بَیٹھے بوٹی کھان لئی
مہنگائی نے غریباں دی کَڈ جان لئی

ساڈے جئے غریباں نُوں ستان والیو
اَیہہ وی دَسو خصماں نُوں کھان والیو۔۔۔۔کھان والیو
کہیہ اَیس توں وَد کرو گے تڑپان لئی
مہنگائی نے غریباں دی کَڈ جان لئی

مہنگائی گَھٹ کر دے نئیں گلّاں چار دے
سیاستدان سَاریاں نُوں گولی مار دے۔۔۔گولی مار دے
اَسی ووٹ دِتّے گَل پَھا پان لئی
مہنگائی نے غریباں دی کَڈ جان لئی

کوئی کہندا آلُو مَینُوں بادی کر دے
کریلے جے پکاواں مَینُوں گرمی کر دے۔۔۔گرمی کر دے
چَھڈ سبزی چاڑھی دال پکان لئی
مہنگائی نے غریباں دی کَڈ جان لئی

جعفرؔ ماتَڑ غریب نئیں سبزی کَھڑ دے
پُچھ دے نے ریٹ نالے کَن پھڑ دے ۔۔۔کَن پھڑ دے
نہ حوصلہ ریا دُوکاناں تے جان لئی
مہنگائی نے غریباں دی کَڈ جان لئی