مینوں سکھ دا سنیہڑا توں جھب لیاویں وے
Poet: Bulleh Shah By: ebtisam, khi
مینوں سکھ دا سنیہڑا توں جھب لیاویں وے
پاندھیا ہو
میں کبڑی میں دبڑی ہوئی آں
میرے سبھ دکھڑے بتلاویں وے
پاندھیا ہو
کھلیاں لٹاں گل دست پراندا
ایہہ گل آکھیں، نہ شرمائیں وے
پاندھیا ہو
اک لکھ دیندی میں دو لکھ دیساں
مینوں پیارا آن ملاویں وے
یاراں لکھ کتابت بھیجی
کِتے گوشے بہہ سمجھاویں وے
پاندھیا ہو
بلھا شوہ دیاں مڑن مہاراں
لکھ پتیاں توں جھب دھاویں وے
پاندھیا ہو
مینوں سکھ دا سنیہڑا توں جھب لیاویں وے
پاندھیا ہو
Rate it: 
Views: 2925
24 Feb, 2020
More Bulleh Shah Poetry
ہر کوئی یار نہیں ہوندا ہر کوئی یار نہیں ہوندا بھلیاں
کدی کلیاں بہہ کہ سوچ تے سہی..
کدی کلیاں بہہ کہ سوچ تے سہی..
MUHAMMAD SHAHZAD (SHERU)
