میں برسر پیکار ہوں آقا میرے آقا

میں طالب دیدار ہوں آقا میرے آقا
جنت کا طلبگار ہوں آقا میرے آقا

توصیف و ثناء آپ کی الله ہی کو زیباء
میں خود سے شرمسار ہوں آقا میرے آقا

مسند ہے شفاعت کی سجی آپ کی خاطر
شامل میں خطا کار ہوں آقا میرے آ قا

کرتے ہیں طلب آپ گناہ گاروں کو طیبہ
میں بھی تو گنہہ گار ہوں آقا میرے آقا

لیکر سیاہ اعمال حشر میں جو کھڑا ہے
وہ میں ہی سیاہ کار ہوں آقا میرے آقا

اسلام کے دشمن سے فقط دین کی خاطر
میں برسر پیکار ہوں آقا میرے آقا

خود آکے الجھتے ہیں اشہر سے کئی حاسد
بے یار و مددگار ہوں آقا میرے آقا