نبی کا ذکر کیا مسکرا کے نعت پڑھی
Poet: علی اعجاز تمیمی By: علی اعجاز تمیمی, Hyderabadنبی ﷺ کا ذکر کیا مسکرا کے نعت پڑھی
دلوں کے زخم چھپاۓ چھپا کے نعت پڑھی
تسلیاں نہ دلاسے ہی کام جب آۓ
تو غمزدوں کو بٹھایا بٹھا کے نعت پڑھی
درود پڑھنے لگے پھول، تتلیاں، جھرنے
اناۓ باد ِ صبا کو گرا کے نعت پڑھی
غبارٍ گردشٍ دوراں تھا گھیرنے والا
یہی تھا وقت بجاۓ دعا کے نعت پڑھی
کمالٍ سیرت و صورت نبی کی ذات بنے
خدا نے جونہی بناۓ ، بنا کے نعت پڑھی
نکل گیا مری نس نس سے برتری کا فسوں
رگوں میں عشق بسایا بسا کے نعت پڑی
وہ پل صراط پہ مدحت کا رنگ تھا اعجاز
کہ پل میں پار ہوا خلد جا کے نعت پڑھی
Rate it: 
Views: 94
08 Jun, 2024
More Religious Poetry
