نبی کا واسطہ ہے معتبر گھرانے سے

نبی کا واسطہ ہے معتبر گھرانے سے
نہیں ہے خالی گیا کوئی آستانے سے

پڑھو درود نبی پر یہ ہے رضائے خدا
نبی کریں گے مدد اپنے پھر خزانے سے

مدد کرو گے غریبوں کی دس گنا ملے گا
یہ ہوتی کم نہیں دولت کبھی لٹانے سے

یہ کائنات نہ ہوتی اگر نبی نہ آتے
بہار آئی یہاں پر نبی کے آنے سے

ملی ہے اتنی خوشی دکھ نہیں رہے میرے
نصیب جاگے ہیں میلاد اب منانے سے

پڑھی ہے نعت نبی ٹل گئے غم شہزاد
رسول پاک کی محفل ابھی سجانے سے