نذرانۂ عقیدت بہ حضور سرکار آسیؔ غازی پوری نور اللہ مرقدہٗ

گنجِ اسرارِ یقیں سرکار آسی بالیقیں
رہبرِ دُنیا و دیں سرکار آسی بالیقیں

آپ کے اشعار میں رمزِ حقیقت ہے نہاں
ہیں تصوف کے نگیں سرکار آسی بالیقیں

ہے طبیبِ جسم و جاں ذاتِ والا آپ کی
داروے قلبِ حزیں سرکار آسی بالیقیں

علم و فضل و زہد و تقویٰ ، صبر کی لاریب ! ایک
آپ ہیں شمعِ مبیں سرکار آسی بالیقیں

نام لیوا اِس مُشاہدؔ کو خلوص و پیار کا
دیجیے جامِ رنگیں سرکار آسی بالیقیں