نعت رسول مقبول صلی اللہ تعالٰی علیہ وآلہ وسلم

رسولوں کے سردار تشریف لائے
مبارک ہو سرکار تشریف لائے

بنایا جنہیں اپنا محبوب حق نے
وہ دلبر وہ دلدار تشریف لائے

جو اللہ کے بعد سب سے بڑے ہیں
دو عالم کے سردار تشریف لائے

جو دن رات روتے تھے امت کی خاطر
وہ امت کے غمخوار تشریف لائے

مدد گار ہیں جو زمانے میں سب کے
وہ سب کے مدد گار تشریف لائے

ہے مہکا ہوا جن سے باغ دو عالم
وہی جان گلزار تشریف لائے

جنہیں پیار کرتا ہے پرنم زمانہ
جنہیں ہے سب سے پیار‘ تشریف لائے