نعت پاک ﷺ

مرا عشق وہ ﷺ، دلربا کہتے کہتے
میں ہو کر رہوں گی فنا کہتے کہتے

مدینے کی گلیوں میں جاں میری نکلے
صلِّ علٰی ، مصطفے کہتے کہتے

مری زندگی کا مکمل ہو قصہ
خدایا یہ حمد و ثنا کہتے کہتے

یہ ڈوبا ہوا ہے خوشی میں مدینہ
انہیں ﷺ مرحبا مرحبا کہتے کہتے

اسے دین و دنیا میں عزت ملی ہے
جو مر جائے اس کا گدا کہتے کہتے

مجھے خواب میں ان کا ﷺجلوہ عطا ہو
مروں میں مسلسل دعا کہتے کہتے

جی وشمہ میں اپنے غموں کو مٹاؤں
خدا ، اے خدا ، اے خدا کہتے کہتے