نعتِ رسولِ مقبول

یہ صدی آپ ؐکی وہ صدی۔۔۔۔ آپ ؐکی
ہر زمانے میں ہے سروری۔۔۔۔ آپ ؐکی

کلی دل کی ایک ایک ۔۔۔۔۔۔۔کھلنے لگی
گفتگو جب سُنی شَبنمی۔۔۔۔۔۔۔ آپؐ کی

پھول ہی پھول کھلنے لگے ہر۔۔۔۔ طرف
جب بھی بادِ بہاری چلی۔۔۔۔۔۔ آپؐ کی

میں تو اُس دل کو دل ہی۔۔۔۔ سمجھتا نہیں
جس کو کھینچے نہیں دل کشی ۔۔۔۔۔آپؐ کی

وہ سدا ظلمتوں میں ۔۔۔۔۔۔۔بھٹکتا رہا
جس نے پائی نہیں روشنی۔۔۔۔۔ آپ ؐکی

وہ مسلماں یقیناًمسلماں ۔۔۔۔۔۔۔نہیں
چھوڑ دے جو اگر پیروی۔۔۔۔۔۔ آپؐ کی

وہ ہی ثابت ہؤے۔۔۔۔۔۔ اسفلٰ سَافلین
جو نہیں مانتے برتری ۔۔۔۔۔۔۔۔آپؐ کی

میرا مولا بھی راضی۔۔۔۔۔۔ اُسی سے ہوا
رضا جس کسی کو ملی۔۔۔۔۔۔۔۔۔ آپ ؐکی

وہ جو جنّت ہے پرتو اُسی کا ۔۔۔۔۔۔۔تو ہے
سلطنت جو مدینہ میں تھی ۔۔۔۔۔آپ ؐکی

اِس اُونچا بھی ہو گا کوئی ۔۔۔۔۔۔۔۔مرتبہ
میزبانی خدا نے جو کی ۔۔۔۔۔۔۔۔آپؐ کی

تُو تَو حیران ہے ایک ۔۔۔۔۔۔۔۔معراج پر
ساری معراج ہے زندگی۔۔۔۔۔۔ آپؐ کی

کتنے رازوں سے۔۔۔۔۔۔ پردہ اُٹھاتی رہی
گفتگو آپ کی خامشی۔۔۔۔۔۔۔۔ آپ ؐکی

گتھیاں فلسفوں کی۔۔۔۔۔۔۔ سلجھنے لگیں
جب سےحاصل ہوئی آگہی ۔۔۔۔آپ ؐکی

ہر طرف سے مصائب تھے گھیرے ہوئے
جب میسّر نہ تھی رہبری۔۔۔۔۔۔ آپؐ کی

دور ہونے لگیں سب۔۔۔۔۔۔ پریشانیاں
جب سے ہم نے ہے کی پیروی ۔۔آپ ؐکی

آسماں کہکشاں تارے ۔۔۔۔۔۔شمس و قمر
رشک سے دیکھتے ہیں گلی۔۔۔۔۔ آپؐ کی

اپنی رب سے دعا ہےکہ اب ۔۔۔عمر بھر
میں بھی کرتا رہوں شاعری۔۔۔ آپ ؐکی

بس رُلاتی ہے ہم کو کمی۔۔۔۔۔۔ آپؐ کی
اے نبی آپ کی اے نبی ۔۔۔۔۔آپ ؐکی