وحدت الشہود۔۔۔ ارتقاء نہیں کن فیکوں۔۔۔۔۔چارلس ڈارون کو جواب

ضمیر راز سے اٹھتی ہوئی بے انت آواز
کھولتی ہے وجود ہست کے سر بستہ راز
جابجا کاتب تقدیر کے جمال کا عکس
کہں مرکوز حسن تو کہیں بے ساختہ ساز
زانوئے ہست پہ پھیلی ہوئی اک قوس قزح
کہیں پہ سرکشی کا شور کہیں حرف نیاز
کہیں بے تابی ء دریا کہیں سکوت بحر
کہیں پہ نغمہ ء بلبل کہیں حرارت باز
درس بکھیرتی ہوئی حیات کی ہے پکار
اے مقیم دیار وقت وہ حقیقت تو مجاز
قریہ ء بے کراں کے ماورا پرتو کے شہید
کیا زماں کیا گمان و خشت کیا تسبیح و نماز
نقطہ ء کن میں ہی پنہاں وجود کے معنی
ورنہ کوئی داستاں ،قصہ ، نہ لفظ و شعر و نواز


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بیان حقیقت کے بعد چارلس ڈارون کو جواب ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خرد کے کھیل نے الجھایا ہے انسان کو یوں
کہ ذات ہست سے مٹا دیا احساس زبوں
کبھی تاویل ارتقا کی تو بگ بینگ کبھی
بے خدائی کے لبادے میں اک بے کار جنوں
عقل کے بس میں نہیں سمجھنا تخلیق وجود
وہ ایک در ہے کہ جس پر ہے ساری عقل نگوں
اگر ہو موقع تو میں روح ڈارون سے کہوں
یہی ہے راز حقیقت یہی ہے کن فیکوں

۔۔۔۔۔۔۔۔ یہ نظم بہت پہلے یونیورٹی کے دور میں اقبال کی بحر میں لکھی تھی ۔اور چالس ڈارون کی تھیوری آف ایوولوشن سے نظریاتی اختلاف کا بیان تھا۔۔۔۔۔تھوڑی کانٹ چھانٹ کے بعد دوبارہ پیش کر رہا ہوں۔۔۔۔۔۔۔۔۔۔۔۔۔