وہ ان کے بات کرنے کی ادائیں یاد آتی ہیں
Poet: محمد اسامہ سرسری By: محمد اسامہ سرسری, karachiوہ ان کے بات کرنے کی ادائیں یاد آتی ہیں
وہ خاموشی کی پیاری سی فضائیں یاد آتی ہیں
وہ ان کا دست برداری سے پہلے مانگنا ہم کو
وہ بعد از اشک شوئی بھی دعائیں یاد آتی ہیں
وہ ان کا روٹھنا پیہم ، وہ دل کی بے کلی ہردم
مگر اب دل کو وہ ساری عطائیں یاد آتی ہیں
نہ یاد آئی برائی سوچنے پر بھی کبھی ان کی
بھلے ان کی بھلی یادیں بُھلائیں یاد آتی ہیں
نگاہیں دیکھتی رہ جاتیں ، دل سب کچھ سمجھ لیتا
بہت باتیں ہیں ہم کیا کیا گنائیں یاد آتی ہیں
وہ غصہ پینا ، غم کھانا ، جفاؤں کا مزہ چکھنا
محبت کے چمن کی سب غذائیں یاد آتی ہیں
اسامہ! ان کی یادوں سے ہمیشہ پوچھتے ہیں ہم
کہ یہ گھڑیاں انھیں بھی کچھ بتائیں یاد آتی ہیں
Rate it: 
Views: 1228
03 Sep, 2014
More Urdu Ghazals Poetry
دل ہی تو ہے نہ سنگ و خشت درد سے بھر نہ آئے کیوں دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں ستائے کیوں
دیر نہیں حرم نہیں در نہیں آستاں نہیں
بیٹھے ہیں رہ گزر پہ ہم غیر ہمیں اٹھائے کیوں
جب وہ جمال دلفروز صورت مہر نیمروز
آپ ہی ہو نظارہ سوز پردے میں منہ چھپائے کیوں
دشنۂ غمزہ جاں ستاں ناوک ناز بے پناہ
تیرا ہی عکس رخ سہی سامنے تیرے آئے کیوں
قید حیات و بند غم اصل میں دونوں ایک ہیں
موت سے پہلے آدمی غم سے نجات پائے کیوں
حسن اور اس پہ حسن ظن رہ گئی بوالہوس کی شرم
اپنے پہ اعتماد ہے غیر کو آزمائے کیوں
واں وہ غرور عز و ناز یاں یہ حجاب پاس وضع
راہ میں ہم ملیں کہاں بزم میں وہ بلائے کیوں
ہاں وہ نہیں خدا پرست جاؤ وہ بے وفا سہی
جس کو ہو دین و دل عزیز اس کی گلی میں جائے کیوں
غالبؔ خستہ کے بغیر کون سے کام بند ہیں
روئیے زار زار کیا کیجیے ہائے ہائے کیوں
روئیں گے ہم ہزار بار کوئی ہمیں ستائے کیوں
دیر نہیں حرم نہیں در نہیں آستاں نہیں
بیٹھے ہیں رہ گزر پہ ہم غیر ہمیں اٹھائے کیوں
جب وہ جمال دلفروز صورت مہر نیمروز
آپ ہی ہو نظارہ سوز پردے میں منہ چھپائے کیوں
دشنۂ غمزہ جاں ستاں ناوک ناز بے پناہ
تیرا ہی عکس رخ سہی سامنے تیرے آئے کیوں
قید حیات و بند غم اصل میں دونوں ایک ہیں
موت سے پہلے آدمی غم سے نجات پائے کیوں
حسن اور اس پہ حسن ظن رہ گئی بوالہوس کی شرم
اپنے پہ اعتماد ہے غیر کو آزمائے کیوں
واں وہ غرور عز و ناز یاں یہ حجاب پاس وضع
راہ میں ہم ملیں کہاں بزم میں وہ بلائے کیوں
ہاں وہ نہیں خدا پرست جاؤ وہ بے وفا سہی
جس کو ہو دین و دل عزیز اس کی گلی میں جائے کیوں
غالبؔ خستہ کے بغیر کون سے کام بند ہیں
روئیے زار زار کیا کیجیے ہائے ہائے کیوں
رضوان
تخیّل میں جن سے نفرت کا اظہار کیے بیٹھے ہو تخیّل میں جن سے نفرت کا اظہار کیے بیٹھے ہو،
درحقیقت اُنی ہی سے تو پیار کیے بیٹھے ہو۔
وہ اور ہوں گے جن کو رہِ محبت میں منزل ملی،
تم تو اُلفت میں اپنی ہستی بیکار کیے بیٹھے ہو۔
نہ تم کو چین آیا، نہ اُن کو قرار ملا،
عجب تماشہ تم بھی سرِ بازار کیے بیٹھے ہو۔
خموشیوں میں بھی سنائی دیتی ہے اُن کی صدا،
تم دل کے سناٹے میں بھی گفتار کیے بیٹھے ہو۔
جو خواب ٹوٹے تھے، اُن کو جوڑنے کی تمنا تھی،
مگر پلکوں پہ ہی اُن کو غبار کیے بیٹھے ہو۔
لبوں پہ حرفِ شکایت، مگر آنکھ میں نمی،
تم خود ہی اپنی حالت کو خوار کیے بیٹھے ہو۔
وفا کے نام پہ سب کچھ لٹا دیا تم نے،
اور اب خود کو ہی سزاوار کیے بیٹھے ہو۔
کس سے کرنے لگے ہو شکوۂ غمِ حیات کا "حفیظ"،
کون آنے والا ہے، کس کا انتظار کیے بیٹھے ہو؟
درحقیقت اُنی ہی سے تو پیار کیے بیٹھے ہو۔
وہ اور ہوں گے جن کو رہِ محبت میں منزل ملی،
تم تو اُلفت میں اپنی ہستی بیکار کیے بیٹھے ہو۔
نہ تم کو چین آیا، نہ اُن کو قرار ملا،
عجب تماشہ تم بھی سرِ بازار کیے بیٹھے ہو۔
خموشیوں میں بھی سنائی دیتی ہے اُن کی صدا،
تم دل کے سناٹے میں بھی گفتار کیے بیٹھے ہو۔
جو خواب ٹوٹے تھے، اُن کو جوڑنے کی تمنا تھی،
مگر پلکوں پہ ہی اُن کو غبار کیے بیٹھے ہو۔
لبوں پہ حرفِ شکایت، مگر آنکھ میں نمی،
تم خود ہی اپنی حالت کو خوار کیے بیٹھے ہو۔
وفا کے نام پہ سب کچھ لٹا دیا تم نے،
اور اب خود کو ہی سزاوار کیے بیٹھے ہو۔
کس سے کرنے لگے ہو شکوۂ غمِ حیات کا "حفیظ"،
کون آنے والا ہے، کس کا انتظار کیے بیٹھے ہو؟
حفیظ الرحمن
مئے لالہ فام میں ہے، نہ سبو و جام میں ہے مئے لالہ فام میں ہے، نہ سُبُو و جام میں ہے
یہ جو قُرب جانِ بِسمِل، تہِ تیغ، دام میں ہے
جسے تُو کہے "سلامت!"، وہ کہاں رہے سلامت
کہ ہزارہا تباہی تِرے اِک سلام میں ہے
یا جَلا کے طُور کر دے، یا فنائے نُور کر دے
ابھی جان جانِ جاناں ترے اِس غلام میں ہے
نہ کھڑا ہوا منادی، نہ ہی وصل کی صدا دی
گو نوید اُس گھڑی کی ترے ہر پیام میں ہے
نہیں دوشِ برقِ قاتِل، نہ ہوا کباب جو دِل
کہ مُنیبؔ کچھ کمی تو ترے اہتمام میں ہے
یہ جو قُرب جانِ بِسمِل، تہِ تیغ، دام میں ہے
جسے تُو کہے "سلامت!"، وہ کہاں رہے سلامت
کہ ہزارہا تباہی تِرے اِک سلام میں ہے
یا جَلا کے طُور کر دے، یا فنائے نُور کر دے
ابھی جان جانِ جاناں ترے اِس غلام میں ہے
نہ کھڑا ہوا منادی، نہ ہی وصل کی صدا دی
گو نوید اُس گھڑی کی ترے ہر پیام میں ہے
نہیں دوشِ برقِ قاتِل، نہ ہوا کباب جو دِل
کہ مُنیبؔ کچھ کمی تو ترے اہتمام میں ہے
ابنِ مُنیب
