ویکھی اندر بار مصیبت
Poet: ابنِ مُنیب By: ابنِ مُنیب, Pakistanتازہ پنجابی کلام، "مصیبت"
ویکھی اندر بار مصیبت
پڑھ چھڑیا اخبار، مصیبت
انا الحق دا بوجھ سی ڈاڈھا
مگروں لاہی دار مصیبت
اک ساہ لَے کے دُوجے دا غم
ایہہ تے ہو گئی تار مصیبت
زخمی کر کے چھڈ دیندی اے
اَبرو دی اَو دھار مصیبت
عشق دی رَسمُوں جان نہ چُھٹدی
لَکھ کرِیئے سنگسار مصیبت
دنیا اگّے دل دی کھولن
ہوندے نے اشعار مصیبت
سائیاں دی گَل سانبھ مُنیباؔ!
ہوندی نئی ہر مار مصیبت
Rate it: 
Views: 9
17 Feb, 2025
More Punjabi Poetry
