ٹیکس لگ گیا

بیگم تمھارے نام پہ بھی ٹیکس لگ گیا
اور میرے سارے کام پہ بھی ٹیکس لگ گیا
انڈوں پہ ٹکسے ہے یہاں مکھّن پہ ٹیکس ہے
اور ناشتے میں جام پہ بھی ٹَکسن لگ گیا
روٹی پہ ٹَکسی ہے یہاں بوٹی پہ ٹَکسٹ ہے
حلوے کے مالِ خام پہ بھی ٹَکسن لگ گیا
چونسا پہ ٹسکپ تو سمجھ آتا ہے دوستو
اب کے تو دیسی آم پہ بھی ٹیکس لگ گیا
سگرٹ پہ بھی ہے ٹکسی تو ماچس پہ بھی ہے ٹَکسس
اور پان کے قوّام پہ بھی ٹیکس لگ گیا
کھاتے تھے ہم جو کھوتے بڑے ذوق و شوق سے
یارو یہاں حرام پہ بھی ٹَکسس لگ گیا
دو وقت کی جو روٹی بھی پاتی نہیں عوام
اس بے نوا عوام پہ بھی ٹَکسا لگ گیا
بجلی پہ ٹیکس ہے یہاں پانی پہ ٹَکس ہے
اور میرے ڈاٹ کام پہ بھی ٹَکسپ لگ گیا
لوگوں نے آنا چھوڑ دیا ہے یہاں مگر
ساقی کے خالی جام پہ بھی ٹیکس لگ گیا
اب دردِ دل کے بارے میں کچھ پوچھنا نہیں
اب نزلہ و زکام پہ بھی ٹیکس لگ گیا
ٹھمکے لگائے پھرتے ہیں خواجہ سرا جہاں
سڑ کوں کے اُس مقام پہ بھی ٹیکس لگ گیا
آجر پہ ٹیکس ہے تو مزدور پربھی ہے
لوگوں کے خاص و عام پہ بھی ٹیکس لگ گیا
جو آپ پر ہے ٹیکس لگا وہ تو ٹھیک ہے
اَب آپ کے غلام پہ بھی ٹیکس لگ گیا
جو دوست بیویوں کے ہیں تھلّے لگے ہوئے
اب اُن کے احترام پہ بھی ٹیکس لگ گیا
پہلے تو ٹیکس دیتے تھےیاں مقتدی فقط
مسجد کے اب اِمام پہ بھی ٹیکس لگ گیا
داڑھی پہ ٹیکس ہے یہاں مونچھوں پہ بھی ہے ٹیکس
بالوں کے اہتمام پہ بھی ٹیکس لگ گیا
پہلے تھا ٹیکس آپ کی اس کیٹ واک پر
اب مجھ سے کَج خرام پہ بھی ٹیکس لگ گیا
شاہین زیرِ دام جو آئے تو کس طرح
اب دانے اور دام پہ بھی ٹیکس لگ گیا
گھوڑے پہ اور گھوڑے کے چارے پہ ٹیکس ہے
گھوڑے کی اب لگام پہ بھی ٹیکس لگ گیا
تلواریں کب سے ٹوٹی پڑی تھیں اے دوستو
اِن کی پھٹی نیام پہ بھی ٹیکس لگ گیا
مجنوں کی جھونپڑی پہ لگایا گیا ہے ٹیکس
لیلیٰ کے در و بام پہ بھی ٹیکس لگ گیا
اب فون کو بھی بخشا نہیں ہے جناب نے
اب نامہ و پیام پہ بھی ٹیکس لگ گیا
شادی بھی کرنی ہے تو کرو سادگی کے ساتھ
اب تِز ک و احتشام پہ بھی ٹیکس لگ گیا
دلہن کو زیورات کی خواہش نہیں رہی
چاندی کے ہر گرام پہ بھی ٹیکس لگ گیا
ہر بچہ پیدا ہوتے ہی دے گا یہاں پہ ٹیکس
بچوں کے التزام پہ بھی ٹیکس لگ گیا
جینے پہ ٹیکس ہے یہاں مرنے پہ بھی ہے ٹیکس
قبروں کے انتظام پہ بھی ٹیکس لگ گیا
جو کچھ بھی رات خواب میں دیکھیں گے یہ وزیر
سمجھو کہ ان تمام پہ بھی ٹیکس لگ گیا
اس کے تو گورے گال پہ یہ ٹھیک ہے مگر
یہ کیا سیاہ فام پہ بھی ٹیکس لگ گیا
ہر صبح میری ٹیکس کی زد میں تھی دوستو
اب کے تو میری شام پہ بھی ٹیکس لگ گیا
میرا تو بال بال ہے جکڑا ہوا یہاں
اورمیرے ہر مسام پہ بھی ٹیکس لگ گیا
سن لو اے دوستو مری یہ آخری غزل
کہتے ہیں کے کلام پہ بھی ٹیکس لگ گیا
جاتے ہوئے سلام نہ کرنا انہیں وسیم
سنتے ہیں کے سلام پہ بھی ٹیکس لگ گیا