پورے ارمان کر دے میرے خدا
Poet: Shabbir Rana By: Dr.Ghulam Shabbir Rana, Jhang City (Punjab -Pakistan)پورے ارمان کر دے میرے خدا
مجھ پہ احسان کر دے میرے خدا
تو ازل اور ابد پہ حاوی ہے
سب کا ایمان کر دے میرے خدا
ظالموں سے ہو پاک یہ دھرتی
جاری فرمان کر دے میرے خدا
سربلند کر دے نوع انساں کو
زیست پر شان کر دے میرے خدا
نہیں تیرے سوا کوئی معبود
سب کا ایقان کر دے میرے خدا
ذہن مخزن ہو تیری بخشش کا
دل کو قرآن کر دے میرے خدا
جو تیرے راستے پہ چلتے ہیں
ان کی پہچان کر دے میرے خدا
جو بھی مغضوب تیرے ٹھہرے ہیں
ان سے انجان کر دے میرے خدا
تیری مخلوق سے جو پیار کرے
اس کو ذی شان کر دے میرے خدا
حریت فکر کے شیدائیوں کو
حق کا عنوان کر دے میرے خدا
جو بھی بو لہبی کا داعی ہو
اس کا بطلان کر دے میرے خدا
طعمہ اجل ہر ہلاکو ہو
جہل ویران کر دے میرے خدا
Rate it: 
Views: 448
07 Apr, 2010
More Religious Poetry
