ځواني چې چا کې ډېره شي يا غل شي يا ولي شي
Poet: خان عبدالغنی خان By: ہارون فضیل, Quettaځواني چې چا کې ډېره شي يا غل شي يا ولي شي
چې زور په چا کې ډېر شي يا يزيد شي يا علي شي
چې مينه چا کې ډېره شي نبي يا لېونی شي
چې علم چا کې ډېر شي يا شيطان شي يا فقير شي
چې وس د وسه ووځي يا نصيب شي يا تقدير شي
چې وخت د توله ووځي يا قيامت شي يا وصال شي
چې صبر چا کې ډېر شي يا ملنګ شي يا باچا شي
چې کبر چا کې ډېر شي يا فرعون يا دنکاچا شي
په چا چې کينه ډېره شي يا تخت شي يا تخته شي
په چا چې نفل ډېر شي يا ټټو يا پرښته شي
د چا چې بخت راويښ شي يا مجنون شي يا ليلا شي
په چا چې تهذيب ډېر شي ملولی يا ملولا شي
Rate it: 
Views: 2027
04 Jan, 2022
More Abdul Ghani Khan Poetry
