چرچا ہے جس نبیﷺ کا ساتوں ہی آسماں میں

چرچا ہے جس نبیﷺ کا ساتوں ہی آسماں میں
رحمت خدا کی بھیجا اُن کو جو اس جہاں میں

کون و مکاں کو چھانا، پایا نہ کوئی ایسا
قربان جس پہ ساری مخلوق دو جہاں میں

عشقِ رسول کے بن کوئی زندگی نہیں ہے
"نسبت سے آپﷺ کی ہیں ممتاز ہم جہاں میں"

اخلاق کا مکمل ہے زندگی نمونہ
اُن کی ادا ادا پر رب جھومے آسماں میں

ان کی ہی اِک کرن ہے جو ضو فشاں ہوئی تو
کون و مکاں ہیں روشن، ہے نور کہکشاں میں

حامد ہیں خود نبیﷺ گر تو نعت خواں خدا ہے
دونوں کی جان پنہاں دونوں ہی جانِ جاناں میں

لاکھوں ہی آئنے ہیں، ہر ایک خوبتر ہے
ہے رشک آئنوں کا تو بس شہِ شہاں میں