کان پکڑائے ہوئے پسلیاں تڑوائے ہوئے

مجھ سے پہلی سی محبت میری محبوب نہ مانگ


میں نے سمجھا تھا کہ تو ہے تو درخشاں ہے حیات
کیا خبر تھی کہ تو نکلے گی ایسی ہیبت ناک
بس یہی غم ہے غم دہر کا جھگڑا کیا ہے
تجھ سے بڑھ کر جہاں میں اب کوئی بلا کیا ہے
تو جو مل جائے تو غارت سکون ہو جائے
میں نے کب چاہا تھا بھرموں کا خون ہو جائے
تیرا سب حسن ہے میک اپ کے ہی غا زوں کا کمال
تیری آنکھوں میں موتیے کے سوا رکھا کیا ہے
ہو میرے خوابوں کی تعبیر ایسی اوٹ پٹانگ
مجھ سے پہلی سی محبت میری محبوب نہ مانگ

ان گنت صدیوں کے تاریک بہیما نہ ستم
نیم مردہ سے نظر آتے ہیں شوہروں کے جسم
خاک میں لتھڑے ہوئے ۔ پسینے میں نہائے ہوئے
ٹولیاں بچوں کی کاندھوں پہ بھی اٹھائے ہوئے
جابجا پٹتے ہوئے دیکھے ہیں ان آنکھوں سے
کان پکڑائے ہوئے ۔ پسلیاں تڑوائے ہوئے
لوٹ جاتی ہے ادھر کو بھی نظر کیا کیجئے
اب بھی دلکش ہے یہ میک اپ مگر کیا کیجئے
خواہ مخواہ مار دوں میں موت کے کنویں میں چھلانگ
مجھ سے پہلی سی محبت میری محبوب نہ مانگ

۔۔۔۔۔۔۔۔۔۔۔۔۔۔فیض احمد فیض کی روح سے معذرت کے ساتھ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔