کل عید سی
Poet: گلزیب انجم By: گلزیب انجم , دبئکل عید سی تس کیاں نو سو آئے
اساں کی ڈیک سی تس کیاں نو سو آئے .
اشنے تے تکی کینو آ اساں کہہ پے کرنے ساں
تساں نی ڈیک سی جینے ساں نہ مرنے ساں
کڑی کڑی ایہہ ترلے پےکرنے ساں
کل عید سی تس کیاں نو سو آئے
لوک تے اشنے سن پر دل کدوں پہلنا سا
تساں توں بغیر کدوں کدرے لغناسا
میں اندر جائی بہواں تاں وی باھر آنی کھلنا سا
کل عید سی تس کیاں نو سو آئے
کہہ ساڑیاں ڈیکاں نی تساں کی پروا نئیں سی
یا ساڑی رہی تساں کی چاہ نئیں سی
کینی کیناں واں تساں توں بغیر ساڑا او ساہ نئیں سی
کل عید سی تس کیاں نو سو آئے
کیڑیاں گلاں تساں کی دور کیتا
یا آخو ساڑیاں چاہواں تساں کی مغرور کیتا
تساں توں ویدی تے تساں نیاں یاداں مجبور کیتا
کل عید سی تس کیاں نو سو آئے
آئی جانیں تے گل ساڑی وی رہی جاننی سی
تساں نئے اشنے نال عید ساڑی وی ہوئ جاننی سی
غماں نی ماری جندڑی کڑی پل لئ پھلی جاننی سی
کل عید سی تس کیاں نو سو آئے
اساں کی ڈیک سی تس کیاں نو سو آئے
