ھم بیچیں گے۔۔۔۔۔۔۔۔۔۔۔۔(حکومت کا عزم)۔۔۔۔۔۔۔۔۔

ھم بیچیں گے
لازم ھے کہ ھم یہ سب کچھ بیچیں گے
ھم بیچیں گے

دریاؤں کے پانی بیچیں گے
ایماں کی روانی بیچیں گے
ہر آن سلطانی بیچیں گے
ھم بیچیں گے

ہر اک بستی بیچیں گے
انسان کی ہستی بیچیں گے
ہر گھر کی گرہستی بیچیں گے
ھم بیچیں گے

دربار اور مزار بیچیں گے
قلم اور تلوار بیچیں گے
کشتی اور پتوار بیچیں گے
ھم بیچیں گے

غریبوں کے مکان بیچیں گے
تعلیم کو دوکان پہ بیچیں گے
کچلے ھوئے انسان بھی بیچیں گے
ھم بیچیں گے

ماؤں کی دعاؤں کو بیچیں گے
باپ کی ٹھنڈی چھاؤں کو بیچیں گے
بچوں کی صداؤں کو بیچیں گے
ھم بیچیں گے

عزت کے آنچل بیچیں گے
شرم و حیا کے بادل بیچیں گے
جو حسن ھے چنچل بیچیں گے
ھم بیچیں گے ۔۔۔
لازم ھے یہ سب کچھ بیچیں گے
ھم بیچیں گے