ہم تو گم ہو گئے حالات کے سناٹے میں
Poet: عثمان By: usman, Lahoreہم تو گم ہو گئے حالات کے سناٹے میں
ہم نے کچھ بھی نہ سنا رات کے سناٹے میں
حرف ناکام جہاں ہوتے ہیں ان لمحوں میں
پھول کھلتے ہیں بہت بات کے سناٹے میں
شور ہنگامہ صدا طبل و علم نقارے
ڈوب جاتے ہیں سبھی مات کے سناٹے میں
رات پڑتے ہی ہر اک روز ابھر آتی ہے
کس کے رونے کی صدا ذات کے سناٹے میں
ذہن میں پھولوں کی مانند کھلا کرتے ہیں
ہم نے وہ پل جو چنے ساتھ کے سناٹے میں
Rate it: 
Views: 59
29 Jul, 2024
More Marghoob Ali Poetry
