ہم کو اپنی جاں سے پیارا اپنا شہر وہاڑی ہے

ہم کو اپنی جاں سے پیارا اپنا شہر وہاڑی ہے
جنت جیسا ایک نظارہ اپنا شہر وہاڑی ہے

آنے والی نسلیں اس کی عظمت کے گُن گائیں گی
پاکستان کا روشن تارہ اپنا شہر وہاڑی ہے

پیار محبت ہر اک میں ہے لوگ یہاں کے مخلص ہیں
یکجہتی کا ایک اشارہ اپنا شہر وہاڑی ہے

کیوں نہ اسکا کوچہ کوچہ ہم کو جان سے پیارا ہو
جیون جس میں گزرا سارا اپنا شہر وہاڑی ہے

پاکستاں کا ہر اک خِطّہ یوں تو روشن روشن ہے
لیکن یارو فخر ہمارا اپنا شہر وہاڑی ہے