ہو مجھ پہ سدا رحمتِ سلطانِﷺ مدینہ

ہو مجھ پہ سدا رحمتِ سلطانِﷺ مدینہ
ہر پل میں کروں مدحتِ سلطانِﷺ مدینہ

اللہ سے ملاقات کا موقع ملا ان کو
دیکھو تو ذرا عظمتِ سلطانِﷺ مدینہ

واللہ وہ الفت میں گرفتار ہیں ان کی
ہیں جو بھی یہاں امتِ سلطانِﷺ مدینہ

سرکار کی آمد کا یوں ہم جشن منائیں
مل جائے ہمیں دولتِ سلطانِﷺ مدینہ

یثرب کے حسیں گنبد و مینار کی رونق
کرتی ہے بیاں عظمتِ سلطانِﷺ مدینہ

دنیا میں وہی لوگ مقدر کے دھنی ہیں
ملتی ہے جنہیں طلعتِ سلطانِﷺ مدینہ

آ جائے مرا وقت قضا جب بھی خدایا
ہو سامنے بس صورتِ سلطانِﷺ مدینہ