یا رسول اللہ ﷺ! گداے آستاں پر ہو کرم

یارسول اللہ! گداے آستاں پر ہو کرم
دور کردیجے خدارا رنج و غم درد و الم

میں ہوں عاصی اور گناہوں میں سراپا غرق ہوں
نیک سیرت کردیں مجھ کو یارسولِ محتشم

کوچۂ پُر نور دیکھوں کاش میں بھی یارسول
آرزو پوری ہو میری رکھ لیں میرا بھی بھرم

آپ منگتا کو عطا کرتے ہیں بے مانگے شہا
سب سے اعلا شان والا آپ کا جُودو کرم

ہم گنواروں میں کہاں طرزِ طلب پیارے رسول
بخش دیں بس بھیک میں ہم کو خوشی شاہِ اُمم

ایک جُرعہ جامِ اُلفت سے پلا دیں یارسول
قلبِ مضطر دیدیں آقا دیدیں مجھ کو چشم نم

رب نے حاکم کردیا ہے آپ کو ہر چیز پر
ہو مُشاہدؔ پر عنایت ، ہے یہ محتاجِ کرم
٭