یار توں دور جانا اوکھا

یار توں دور جانا اوکھا
جیندے جی مر جانا اوکھا

کی سبق اے سنانا اوکھا
علم اصلی پڑھانا اوکھا

سب پڑھے ایہہ لوک کملے
عشق پاڑا سنانا اوکھا

یاری سجناں دے نال لا کے
لا کے یاری نبھانا اوکھا

یاد کیوں ماضی مینوں آوے
رو رو بھل یار جانا اوکھا

ونڈے ساقی مے خانے وچ جام
اَج شرابی رجانا اوکھا

شرم تے سانوں آندی ناہی
اگاں شرمانا بھانا اوکھا

تینوں پا کے میں پیت جانے
رمز حق دا اے دسنا اوکھا

لوکوں میری میں نا ای مر دی
کسے دی میں مکانا اوکھا

ایتھے تے لوکی رب نیں من دے
اپنا آپے منانا اوکھا