یہ ووٹ امانت ہے لوگو

یہ ووٹ امانت ہے لوگو
اسے سوچ سمجھ کر لوٹاو
یہ قرض ہے تُم پر مٹی کا
یہ قرض تُمہیں لوٹانا ہے
آو یہ عہد کرو ملکر
تُمہیں ووٹ سے دیس بچانا ہے
اس بار الیکشن میں لوگو
ایسا رہبر لانا ہے
ہو اپنے وطن سے پیار جسے
اور گیت وفا کے گاتا ہو
جو پاک وطن کی حُرمت پر
بس واری، واری جاتا ہو
کِردار میں سب سے اعلی ہو
نہ جُھکنے، بِکنے والا ہو
جو اپنے وطن کے لوگوں کے
دُکھ درد سمجھنے والا ہو
جو دیس کی خاطر جیتا ہو
اور دیس کی خاطر مرتا ہو
یہ ووٹ امانت ہے لوگو
اسے سوچ سمجھ کر لوٹاو