خام تیل کی قیمت 67ڈالر فی بیرل سے متجاوز

فوٹو: اے ایف پی

کرونا وائرس کی عالمی وباء کے بعد معاشی بحالی اور طلب میں اضافے کے باعث خام تیل کی قیمت 67 ڈالر فی بیرل سے تجاوز کرگئی۔

غیر ملکی میڈیا کے مطابق چین کے حالیہ اعداد و شمار کے مطابق پہلی سہ ماہی میں مجموعی ملکی پیداوار یعنی جی ڈی پی 18.3 فیصد تک پہنچ گئی ہے جبکہ امریکا میں بھی خریداری میں اضافہ اور بے روزگاری کی شرح میں کمی آرہی ہے۔

ماہرین کے مطابق معیشت کی بحالی کے تناظر میں خام تیل کی قیمتوں میں کمی کا امکان نہیں ہے۔ رپورٹ کے مطابق برینٹ کروڈ آئل کی قیمت 26 سینٹ اضافے کے بعد 67.20 ڈالر فی بیرل ہوگئی ہے۔

تیل کی طلب میں اضافے سے ایک طرف امید پیدا ہوئی ہے، تو دوسری جانب دیگر بڑی معیشتوں میں کرونا وائرس کے بڑھتے ہوئے کیسز کے باعث تشویش بھی پائی جاتی ہے۔

عالمی وباء کے بعد تیل کی طلب میں ایک مرتبہ پھر اضافے کے باعث تیل برآمد کرنیوالے ممالک کی تنظیم اوپیک نے تیل کی پیداوار میں معمولی اضافے کا فیصلہ کیا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

221