نادیہ خان نے شرمیلا فاروقی کی غلط فہمی دور کردی

image
اداکارہ و ٹی وی میزبان نادیہ خان نے پاکستان پیپلز پارٹی (پی پی پی) کی رہنما اور رکن سندھ اسمبلی شرمیلا فاروقی کی غلط فہمی دور کردی۔

سوشل میڈیا سائٹ انسٹاگرام کے مخلتف پیجز پر ایک ویڈیو وائرل ہو گئی ہے جس میں نادیہ خان نے شرمیلا فاروقی اور تنقید کرنے والوں کی غلط فہمی دور کردی ہے۔

 

View this post on Instagram

 

A post shared by Galaxy Lollywood (@galaxylollywood)

وائرل ویڈیو میں اداکارہ کا کہنا ہے کہ ہمیں سیکھایا گیا ہے کہ آپ  کسی بڑے کو ان کی تعریف کر کے اور وقت دے کر خوش کرسکتے ہیں۔

انہوں نے کہا کہ میں نے بھی یہ ہی کیا اب میں ان سے کیا بات کرتی؟ ان سے پرسنل باتیں کرتی ،میں نے ان سے وہ باتیں کی جو ان کو خوش کر دیتیں۔

نادیہ خان نے کہا کہ آپ خود بتائیں ہم کسی شادی پر جاتے ہیں تو اپنے سے بڑی خواتین سے کیا پوچھتے ہیں یہ ہی نہ کہ آپ کہاں سے تیار ہوئیں؟ میک اپ کس نے کیا؟ کونسے پارلرمیں گئیں تھیں؟ مجھے بھی ایسا کروانا ہے تو میں نے بھی ان سے یہ ہی پوچھا۔

اداکارہ نے کہا کہ میں نے ان کی دل سے تعریف کی تھی اور وہ خواتین مجھے بہت اچھی لگتی ہیں جو ہر عمر میں اپنا خیال رکھتی ہیں۔

انہوں نے کہا کہ وہ لال جوڑے میں آئی تھیں اکیلی تھیں اتنا اچھا میک اپ تھا میں نے ان کی تعریف کی اور وہ بھت خوش ہوئی آپ لوگ سہی طرح جاکے ویڈیو دیکھیں اگر میں نے کوئی لفظ طنزیہ استعمال کیا ہو کیونکہ ان ہی چیزوں پر اختلافات ہوتے ہیں۔

گزشتہ روز پاکستان پیپلز پارٹی (پی پی پی) کی رہنما اور رکن سندھ اسمبلی شرمیلا فاروقی نے اداکارہ و ٹی وی میزبان نادیہ خان کے خلاف قانونی کارروائی کا اعلان کیا تھا۔

چند دن قبل نادیہ خان نے شرمیلا فاروقی کی والدہ کے ساتھ اداکارہ صبور علی اور علی انصاری کی شادی کے دوران ویڈیو بنائی تھی جو حال ہی میں سوشل میڈیا پر خوب وائرل ہوگئی۔

 

View this post on Instagram

 

A post shared by Nadia Khan (@outstylewithnadia)

وائرل ویڈیو میں نادیہ خان نے انیسہ فاروقی کے میک اپ کا مزاق بناتے ہوئے کہا تھا کہ آپ کا اتنا حسین میک اپ کس نے کیا اور اس کے ساتھ ہی ان کے کپڑے اور جیولری کی بھی طنزیہ انداز میں تعریف کی تھی۔

 

View this post on Instagram

 

A post shared by Sagargram1 (@sagargram1)

اس ویڈیو کو دیکھ کر جہاں دیگر لوگوں نے نادیہ خان پر تنقید کی وہیں شرمیلا فاروقی نے بھی ان کے رویے پر برہمی کا اظہار کرتے ہوئے ان کے خلاف قانونی کارروائی کا اعلان کر دیا۔

شرمیلا فاروقی نے نجی ٹی وی چینل سے بات کرتے ہوئے نادیہ خان کے رویے کو سستی شہرت کا طریقہ قرار دیا تھا اور ان کے لئے سخت الفاظ بھی استعمال کیے۔

پیپلز پارٹی کی رہنما کا کہنا تھا کہ وہ شوبز کے لوگوں کی بہت عزت کرتی ہیں، فنکار برادری سخت محنت طلب کام کرتے ہیں مگر نادیہ خان کا رویہ ناقابل برداشت تھا کیونکہ ان کی والدہ اس وقت مشکل وقت سے گزر رہی ہیں۔

شرمیلا فاروقی کے مطابق تین ماہ قبل ہی ان کے والد انتقال کر گئے تھے اور ان کی عمر رسیدہ والدہ شوہر کی وفات کے بعد پہلی بار کسی شادی کی تقریب میں گئی تھیں مگر نادیہ خان نے ان کے ساتھ میک اپ کے معاملے پر نامناسب انداز میں ویڈیو بنائی۔

رکن سندھ اسمبلی کا کہنا تھا کہ نادیہ خان کو ایک عمر رسیدہ خاتون کے ہمراہ نامناسب انداز میں ویڈیو بنانے سے قبل کچھ شرم کرنا چاہئیے تھا۔

شرمیلا فاروقی نے بتایا کہ انہوں نے والدہ کے ہمراہ ویڈیو وائرل ہونے کے بعد نادیہ خان کو مسییج بھی کیا تھا جس پر میزبان نے انہیں کہا کہ انہوں نے کوئی غلط ویڈیو نہیں بنائی اور نہ ہی انہوں نے کوئی نامناسب سوال پوچھا ہے اس لئے ان کے خلاف واویلا بند کیا جائے۔

انہوں نے کہا کہ اگر میزبان ان کی والدہ کے بجائے کسی اور خاتون کے ساتھ بھی ایسی ویڈیو بناتیں تو بھی ان کے خلاف ایکشن لیتیں۔

شرمیلا فاروقی نے اعلان کیا کہ وہ نادیہ خان کے خلاف قانونی کارروائی کریں گی اور وہ وفاقی تحقیقاتی ادارے (ایف آئی اے) کے سائبر کرائم کو تحریری درخواست دیں گی جبکہ انہیں عدالت سے بھی رجوع کرنا پڑا تو بھی وہ پیچھے نہیں ہٹیں گی۔

دوسری جانب نادیہ خان کی ویڈیو وائرل ہونے کے بعد عام لوگوں نے بھی ان پر تنقید کی اور میزبان کے رویے کو نامناسب قرار دیا اور لکھا کہ وہ کون ہوتی ہیں دوسرے کے فیشن، لباس اور میک اپ پر سوال اٹھانے والی؟

نادیہ خان نے فوری طور پر لوگوں کی تنقید اور شرمیلا فاروقی کی جانب سے قانونی کارروائی کے اعلان پر کوئی رد عمل نہیں دیا۔

Square Adsence 300X250

News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.