’ہمارا ریپ بند کرو‘ کانز فلم فیسٹیول میں یوکرینی خاتون کا احتجاج

image
فرانس میں جاری جگمگاتے کانز فلم فیسٹیول کے چوتھے روز اس وقت چیخ و پکار سنی گئی جب ایک نیم برہنہ خاتون جسم پر یوکرین کا جھنڈا پینٹ کروائے ایونٹ میں گھس آئیں۔

اخبار ڈیلی میل کی رپورٹ کے مطابق جارج مِلر کی نئی فلم کی کاسٹ کا تعارف کرائے جانے کے بعد جیسے انہوں نے ریڈ کارپٹ پر واک شروع کی اور کیمرے حرکت میں آئے اسی لمحے سب کو گڑ بڑ کا احساس ہوا اور پھر یکدم ایک نعرے کی سی چیخ سنائی دی، جس کے بعد بھگدڑ مچ گئی۔

ایونٹ میں گھسنے والی خاتون مختلف قسم کے نعرے لگا رہی تھی، انہوں نے اپنے جسم پر یوکرین کے جھنڈے کے رنگ پینٹ کر رکھے تھے جبکہ ساتھ یہ بھی تحریر کیا گیا تھا کہ ’ہمارا ریپ بند کرو۔‘

خاتون کو روکنے کی بہت کوشش کی گئی تاہم وہ چیختی رہیں، اس دوران واقعے کی ویڈیوز بھی بنیں جو اس وقت سوشل میڈیا پر شیئر کی جا رہی ہیں۔

جلد ہی سکیورٹی حرکت میں آ گئی اور خاتون کو پکڑ کر باہر نکال دیا گیا۔

احتجاج کرنے والی خاتون کو سکیورٹی نے پکڑ کر باہر نکال دیا (فوٹو: ڈیلی میل)

اس فیسٹیول میں یوکرین کے ساتھ اظہار یکجہتی کے لیے روسیوں کو شرکت سے روک دیا گیا تھا جبکہ منگل کو یوکرین کے صدر ولادیمیر زیلنسکی نے حیرت انگیز طور پر ایونٹ سے خطاب بھی کیا تھا۔

خاتون کے بارے میں کہا جا رہا ہے کہ وہ روسی فوجیوں کی جانب سے یوکرینی خواتین کے ریپ کے خلاف احتجاج کر رہی تھیں۔

جب سے روس نے یوکرین پر حملہ کیا ہے تب سے روسی فوجیوں پر یوکرینی خواتین کے ریپ کے الزامات لگ رہے ہیں۔

فیسٹیول میں گھسنے والی خاتون کی شناخت کے بارے میں مزید کوئی معلومات سامنے نہیں آ سکیں۔


News Source   News Source Text

WATCH LIVE NEWS

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.