کیا پُونے میں پاپولر فرنٹ آف انڈیا کے احتجاج میں ’پاکستان زندہ باد‘ کے نعرے لگائے گئے؟

image
انڈین ریاسٹ مہاراشٹر میں پاپولر فرنٹ آف انڈیا (پی ایف آئی) کے احتجاج کے دوران پونے میں مبینہ طور پر ’پاکستان زندہ باد‘ کے نعرے لگائے گئے جس کی ویڈیوز سوشل میڈیا پر وائرل ہوگئی ہیں۔

انڈین میڈیا کے مطابق سنیچر کو پی ایف آئی کے کارکنان نے جماعت کے خلاف ہونے والی کارروائیوں کے خلاف پونے میں کلیکٹر آفس کے باہر احتجاج کیا اور اسی دوران ’پاکستان زندہ باد‘ کے نعرے لگائے گئے۔

اکنامکس ٹائمز کے مطابق اس احتجاج کے دوران پولیس نے تقریباً 40 افراد کو گرفتار کیا گیا۔

پریس ٹرسٹ آف انڈیا نے ایک  ویڈیو شیئر کرتے ہوئے لکھا کہ پی ایف آئی کے حامیوں کی جانب سے ’پاکستان زندہ باد‘ کے نعرے لگاتے ہوئے سنا جاسکتا ہے۔

خیال رہے پی ایف آئی کے خلاف انڈیا کی مختلف ریاستوں میں کارروائیاں جاری ہیں اور پولیس کی جانب سے چھاپوں میں دہشتگردی میں ملوث ہونے کے الزام میں اب تک 100 سے زائد افراد کو گرفتار کیا جاچکا ہے۔

#WATCH | Maharashtra: ‘Pakistan Zindabad’ slogans were heard outside the District Collector's office yesterday in Pune City where PFI cadres gathered against the recent ED-CBI-Police raids against their outfit. Some cadres were detained by Police; they were arrested this morning. pic.twitter.com/XWEx2utZZm

— ANI (@ANI) September 24, 2022

پاکستان کی حمایت میں لگنے والے نعروں پر انڈیا میں سوشل میڈیا صارفین اور سیاست دانوں کی جانب سے غصے کا اظہار کیا جارہا ہے۔

راج ٹھاکرے نے ٹوئٹر پر جاری ایک بیان میں لکھا کہ ’اگر پاکستان زندہ باد اور اللہ اکبر جیسے نعرے پونے شہر میں لگائے جائیں گے تو ہمارے ملک کے ہندو خاموش نہیں بیٹھیں گے۔‘

بھارتیہ جنتا پارٹی (بی جے پی) کے رہنما امر پرساد ریڈی نے ایک ٹویٹ میں لکھا کہ ’پاکستانی نعروں کی انڈیا میں کوئی جگہ نہیں۔‘

No place for Pakistan slogans in India.

— Amar Prasad Reddy (@amarprasadreddy) September 25, 2022

تاہم کچھ انڈین صحافیوں کا یہ بھی کہنا ہے کہ احتجاج میں ’پاکستان زندہ باد‘ جیسا کوئی نعرہ نہیں لگایا گیا بلکہ احتجاج کے شرکاء پاپولر فرنٹ زندہ باد کے نعرے لگارہے تھے۔

Video is morphed. They were giving slogans as PFI or Popular Front of India zindabad! https://t.co/omWDV4H5c7

— Varsha Torgalkar (@varshasuman) September 24, 2022

انڈین فیک چیکنگ ویب سائٹ ’آلٹ نیوز‘ اس حوالے سے ایک پوری تحقیق کی ہے اور ان کی تحقیق سے ثابت ہوتا ہے کہ پونے میں ہونے والے احتجاج میں ’پاکستان زندہ باد‘ کے نعرے نہیں لگائے گئے۔

Several media houses and BJP leaders have claimed that 'Pakistan Zindabad' slogans were heard at a PFI protest in Pune. Alt News analysed multiple videos of the said sloganeering and found the claim to be false. | @Mahaprajna_N @shinjineemjmdr https://t.co/Md7szhfDnQ

— Alt News (@AltNews) September 25, 2022

پی ایف آئی ایک اسلامی تنظیم ہے جس پر حکومت کی جانب سے انتہاپسندی میں ملوث ہونے کے الزامات لگتے رہے ہیں۔

یہ 2006 میں نیشنل ڈویلپمنٹ فرنٹ (این ڈی ایف) کی جانشین کے طور پر سامنے آئی تھی جس میں دیگر تنظیمیں بھی بعدازاں شامل ہو گئی تھیں۔

پی ایف آئی خود کو ایک سماجی تنظیم قرار دیتی ہے۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.