بیوی کیسی ہونی چاہیے

Poet: Zeeshan Lashari
By: Zeeshan Lashari, Kunri

زمانہ تیز ہے جلدی سے شادی ہو تو بہتر ہے
مگر ہے یہ بھی خواہش بیوی سادی ہو تو بہتر ہے

وہ ایسی ہو کہ باتیں اسکی سن کے دل بہلتا ہو
مگر غصے میں چپ رہنے کی عادی ہو تو بہتر ہے

اسے کھانا بنانے کا ہنر بھی خوب آتا ہو
مگر وہ صبر سے سب کچھ ہی کھاتی ہو تو بہتر ہے

ضروری ہے کہ کچھ شوخی بھی اسکی سادگی میں ہو
تو موقعے پر کبھی وہ منہ بناتی ہو تو بہتر ہے

ادب سے بھی شغف رکھتی ہو کہ شاعر کی بیوی ہے
وہ دل کی بات شعروں میں سناتی ہو تو بہتر ہے

ہمیشہ منہ بسورے گھر میں رہنا نامناسب ہے
مگر موقع بموقع روٹھ جاتی ہو تو بہتر ہے

میں گھر جا کر اسے دیکھوں تو دل آرام پاتا ہو
میں جب دیکھوں اسے وہ مسکراتی ہو تو بہتر ہے

کسی موقعے پہ کیسی بات کرنی ہے سمجھتی ہو
کہاں خاموش رہنا ہے سمجھتی ہو تو بہتر ہے

اگرچہ یہ بھی خواہش ہے کہ خود بھی حور جیسی ہو
مگر وہ گھر کو جنت سا بناتی ہو تو بہتر ہے

سویرے گرم چائے بیڈ پہ میرے لے کے آتی ہو
"اٹھیں نا جان" کہہ کر وہ جگاتی ہو تو بہتر ہے

جو گھر سے میں کہیں جاؤں تو مجھ کو یاد کرتی ہو
جو گھر آؤں خوشی سے مسکراتی ہو تو بہتر ہے

اجی ٹینڈے ٹماٹر لے کے آنا سب ہی کہتی ہیں
کبھی وہ بے وجہ بھی کال کرتی ہو تو بہتر ہے

وہ دونوں حسن یعنی سیرت و صورت بھی رکھتی ہو
علاوہ ان کے جو بولا ہے ویسی ہو تو بہتر ہے

نہ ایسی ہو کہ ہر دم ناک میں ہی دم کیے رکھے
کبھی وہ شان تھوڑا سا ستاتی ہو تو بہتر ہے

Rate it:
29 Oct, 2019

More Funny Poetry

POPULAR POETRIES

FAMOUS POETS

About the Author: Zeeshan Lashari
Visit 17 Other Poetries by Zeeshan Lashari »
Currently, no details found about the poet. If you are the poet, Please update or create your Profile here >>

Reviews & Comments

بہت عمدہ ذیشان

By: Sarwar Farhan Sarwar, Karachi on Apr, 10 2020

Language:    

My Page! Account Login:

(Post your Comments Immediately)
Email
Password
Do not have MyPage! account? Create Now

Guest Login:

(Comments will be online after Moderator Review)
Name
Email
City
Language:    

My Page! Account Login:

(Post your Comments Immediately)
Email
Password
Do not have MyPage! account? Create Now

Guest Login:

(Comments will be online after Moderator Review)
Name
Email
City