اس جگ تے جی لا کہ کی لبیا

اس جگ تے جی لا کہ کی لبیا
دس اپنا آپ گنوا کہ کی لبیا

ہنس کھیڈ کے ویلا گنوا بیٹھا
مقصد حیاتی دا بھلا کہ کی لبیا

اتھرواں نل وی نہیں تھلنا اے رستہ
تھنوں راہ اپنی گنوا کہ کی لبیا

اوچا شملہ اوچے لوگ اوچیاں گلاں
بیلی ایناں نوں بنا کہ کی لبیا

اوکھیاں راواں اوکھے پینڈ ے اوکھے ویلے
ایمان اپنا پلا کہ کی لبیا

ویلا ہن وی او رک جا
چین جی دا مٹا کہ کی لبیا

سوچ تے سہی او ناداناں
ہنیر گلی وچ جا کہ کی لبیا

تسبیح استغفار والی پھڑ لے
گو ن دنیا دے گا کہ کی لبیا