تجھ سے نظر ملانے کا حوصلہ نہیں ہوتا

تجھ سے نظر ملانے کا حوصلہ نہیں ہوتا
کچھ سُننے اور سُنانے کا حوصلہ نہیں ہوتا

جنونِ عشق میں کچھ ایسے ہُوے ہیں رُسوا
اب دہر میں سر اُٹھانے کا حوصلہ نہیں ہوتا

دل ہی میں دبا رکھی ہے آرزوئے دوستی
یہ بات زباں پہ لانے کا حوصلہ نہیں ہوتا

ہم اتنے بُرے نہیں ہیں ہم سے نہ ہو بدگماں
تجھے سب کچھ بتانے کا حوصلہ نہیں ہوتا

اُدھر تُو خفا ہے اِدھر اپنی اَنا ہے اے دوست
کیا کروں تجھے منانے کا حوصلہ نہیں ہوتا

میری تمام کوششیں ہو گئی ہیں رائیگاں
دل سے تجھے بُھلانے کا حوصلہ نہیں ہوتا

جب کبھی اپنے گریباں میں جھانک لوں امر
کسی پہ اُنگلی اُٹھانے کا حوصلہ نہیں ہوتا