تیرے جنوں کے سامنے یہ زمانہ کیا ہے

تیرے جنوں کے سامنے یہ زمانہ کیا ہے
جو تجھ سے نہ کہا گیا وہ فسانہ کیا ہے

خودی اور بیخودی کے درمیان الجھا رہتا ہے
جو لفظوں میں نہیں ڈھل پایا وہ افسانہ کیا ہے

ارے جو بار بار تیری گلی سے گزرتا ہے
ذرا پوچھو تو سہی کہ وہ دیوانہ کیا ہے

دشت الفت میں بھٹکتا رہا جو ساری عمر
وہ جو ناداں ہے تو بتلاؤ فرزانہ کیا ہے

نگاہوں سے چھلکتا ہے لبوں تک آ نہیں پاتا
جو یہ نہیں تو بھلا اور پیمانہ کیا ہے

ہماری دوستی پہ آج تمہیں کیوں شبہ ہوا
اگر شبنم سہیلی ہے تو رخسانہ کیا ہے

ایک ٹوٹا ہوا تارا جو میں نے کل شب دیکھا تھا
کسی کو علم ہے کہ اس کا ٹھکانہ کیا ہے

یہی اک بات میرا دل مجھے سمجھاتا رہتا ہے
جو روٹھا ہی نہیں پھر اس کو منانا کیا ہے

مجھے معلوم ہے عظمٰی بہت انمول ہوتے ہیں
ذرا سی پات پہ اشکوں کا بہانا کیا ہے