جسے دیکھ کر کبھی پکارا نہیں گیا

جسے دیکھ کر کبھی پکارا نہیں گیا
وہی شخص میرے دل سے سارا نہیں گیا

جو لکھا بہا دیا اُسے یا جلا دیا
کوئی خط تری طرف ہمارا نہیں گیا

تری یاد میں رہا کبھی آگ سے لڑا
جلا تو بہت ہے پر شرارا نہیں گیا

شکائت یہی کرے مرا گھر کبھی کبھی
بڑی دیر سے مجھے سنوارا نہیں گیا

سبھی چھوڑ کر گئےمجھے یاد بس یہ ہے
خدا نے دیا جو وہ سہارا نہیں گیا

ترا حق ملے تجھےاسی جستجو میں تھے
ترا قرض بھی کبھی اتارا نہیں گیا

نہ تو ہی ملا مجھے نہ تجھ سا ملا کوئی
تجھے کھو کے جو ہوا خسارا نہیں گیا